عقبال بقى مـ القرار يوصل للبنك المركزي نكون احنا صرفنا اللي نقدر عليه
For script of the scene, see below.
ماهر: ها هتعمل ايه بقى عشان أبقى فاهم
سيف: هو مش القرار هيتمضي بكرا
ماهر: إلا اذا النائب العام ماعرفش يخش مكتبه بكرا
سيف: هيدخلوه وهيمضي بس عقبال بقى مـ القرار يوصل للبنك المركزي نكون احنا صرفنا اللي نقدر عليه
ماهر: طب واللي مش هنقدر عليه
سيف: ده محتاج تفكير تاني خالص. المهم أنا هكتب الشيكات دي بأسمك وبأسم هند وبأسم رمضان السواق واسامة اللي شغال عندك وكلها بتواريخ قديمة عشان محدش يقول لك قابلته امتى وفين
ماهر: تعجبني انت في الـ details
سيف: تلميذك يا متر يبقى معايا محامي عُقر (يعني صايع وشاطر وملوش حل) زيك كده وأغلط الغلطة دي. موظف في بنك يقرى ان الشيكات بتواريخ النهارده يقول لك قابلته امتى وفين
ماهر: هو مش هيلحق يقول ده هيبلّغ على طول
سيف: ما أنا عشان كده ريّحت دماغي وكتبت كل الشيكات بتواريخ قديمة
ماهر: المشكلة إن الصرف الكتير ده ممكن يسمّع في البنك المركزي وساعتها هياخدوا بالهم
سيف: ما هو عقبال مـ يسمّع هنكون احنا سحبنا كل اللي نقدر عليه. الفلوس الباقية بقى هقول لك نجيبها ازاي